Å vere kyrkjevert handlar om å sjå andre og la dei forstå at vi set pris på at dei kjem til kyrkja. Å ønskje nokre velkomen i døra, å rettleie dåpsfølgje og andre om kor dei kan sitte. Kvar einskild som kjem til kyrkja, er eit menneske med si heilt eigen historie - og kvar og ein treng å bli sett.
Kyrkjevertane i Foldnes er saman to og to. Deira viktigaste oppgåve er å ta godt imot dei som kjem. Dei har og ansvar for å ta inn kollekten og telja den etter gudstenesta. Nokre gongar har dei og ansvaret for å ein enkel kyrkjekaffi. Det er, med andre ord, kyrkjevertane som held hjartane i fellesskapet varme.
Kyrkjevertane er med om lag ein søndag i månaden, eller kor ofte eller sjeldan ein sjølv ønskjer. Kyrkjevertane møter kl. 10.15, den søndagen dei har teneste.